Dövlət Akademik Opera və Balet Teatrının gənc solisti Afaq Abbasova XV TÜRKSOY Opera günlərində Azərbaycanı təmsil edib
01 iyun 2012 16:44 (UTC +04:00)
Bakı. Ülkər Rəşidqızı-APA. Dövlət Akademik Opera və Balet Teatrının gənc solisti Afaq Abbasova XV TÜRKSOY Opera Günlərində Azərbaycanı təmsil edib. Teatrın mətbuat xidmətindən APA-ya verilən məlumata görə, ənənəvi olaraq hər il keçirilən Türksoy Opera Günləri bu il Qazaxıstanın xalq sənətçisi Kulaş Bayseitovanın 100 illik yubileyinə həsr edilib. Türksoy Beynəlxalq mədəniyyət təşkilatı, Türkiyə Cümhuriyyətinin Mədəniyyət Nazirliyi, Şimali Kipr Turizm, Çevrə və Kültür Bakanlığının təşkilatçılığı ilə keçirilən bu möhtəşəm tədbirdə bir sıra türkdilli ölkələrdən – Türkiyə, Azərbaycan, Qazaxıstan, Qırğızıstan, Başqırdıstan, Şimali Kipr Türk Cümhuriyyəti, Saxa-Yakutiya vilayəti, Tatarıstan, Krım, Bosniya-Herseqovinadan olan ən dəyərli opera sənətçiləri iştirak ediblər. Opera günləri çərçivəsində Afaq Abbasova 3 konsertdə - İstanbulda (İstanbul Dövlət Opera və Balet Teatrı simfonik orkestrinin müşayiətilə), Şimali Kiprin paytaxtı Qirnədə böyük uğurla çıxış edib, C.Puççininin “Madam Batterflyay” operasından Çio-Çio-Sanın, C.Verdinin “Traviata” operasından Violettanın və “Taleyin gücü” operasından Leonoranın ariyalarını uğurla ifa edib. Onun parlaq ifası tədbirin təşkilatçıları, həmçinin də “TÜRKSOY” təşkilatının baş katibi Düsen Kaseinov tərəfindən qeyd olunub və A. Abbasova xüsusi diplomla təltif edilib. Afaq Abbasova XV Opera günlərinin ən gənc iştirakçısı olub.
İncəsənət
"Gəncədən Bakıya" layihəsi çərçivəsində növbəti konsert keçirilib
15:10
1 may 2024
Azərbaycan Dövlət Rəqs Ansamblı beynəlxalq festivalda qalib olub
15:42
30 aprel 2024
“Yol əhvalatı”nın Fəridi: Nə vaxta kimi Azərbaycanda çəkilən filmlərdə pullar yeyiləcək, kinomuz belə də qalacaq - MÜSAHİBƏ
15:09
30 aprel 2024
Gəncə Filarmoniyasında "Gəncədən Bakıya" layihəsi təqdim edilib
12:37
30 aprel 2024