Şamaxı, Göyçay, Qəbələ və İsmayıllıya düşən dolu kənd təsərrüfatına ciddi ziyan vurub
15 may 2012 17:34 (UTC +04:00)
Şamaxı. Elvin Yaqubov-APA. Şamaxı rayonuna düşən dolu təsərrüfatın ayrı-ayrı sahələrinə ciddi ziyan vurub. APA-nın məlumatına görə bu gün saat 18:00 radələrindən başlayaraq Şamaxının Quşçu, Dağ Göylər, Çaylı, Ovculu kəndlərinə dolu düşüb. Çaylı kənd sakinlərinin APA-ya verdiyi məlumata görə bir saat dayanmadan düşən dolu nəticəsində kəndin taxıl və üzüm sahələri, meyvə-tərəvəz və bostan məhsulları məhv olub, evlərin və digər tikililərin dam örtüyünə ziyan dəyib. Diametri 5-7 santimetr yağan dolu qısa müddətdə hər yeri ağ örpəyə bürüyüb. Torpağın üzərində 10-12 santimetr qalınlığında dolu qatı yaranıb. Dolunun ardınca kəndlərə yağan güclü leysan yağışı hələ də davam edir, kəndlərə sel gəlib. Çaylıda bir körpünü və traktoru sel aparıb, küçələri su yuyub, mal-qara arasında tələfatın olub-olmaması araşdırılır.
Həmçinin bu gün saat 16:00 radələrində Göyçayın dağətəyi kəndləri olan Şahsoltanlı və Yekəxana kəndlərinə düşən dolu təsərrüfatın ayrı-ayrı sahələrinə ziyan vurub. Eyni vaxtda Qəbələ və İsmayıllının bəzi kəndlərinə də dolu düşüb. Hazırda həmin rayonlarda güclü leysan yağışı davam edir.
Həmçinin bu gün saat 16:00 radələrində Göyçayın dağətəyi kəndləri olan Şahsoltanlı və Yekəxana kəndlərinə düşən dolu təsərrüfatın ayrı-ayrı sahələrinə ziyan vurub. Eyni vaxtda Qəbələ və İsmayıllının bəzi kəndlərinə də dolu düşüb. Hazırda həmin rayonlarda güclü leysan yağışı davam edir.
Hadisə
Bakıda minik və yük maşınları toqquşub, xəsarət alan var - FOTO
03:29
2 may 2024
Babəkdə yol qəzası baş verib, xəsarət alanlar var - FOTO
02:20
2 may 2024
Bakıda idarəetmədən çıxan avtomobil səkiyə çırpılıb, xəsarət alanlar var - FOTO
00:53
2 may 2024
Naxçıvan Dövlət Universitetinin fəlsəfə doktoru vəfat edib
23:35
1 may 2024