Bakı. Şəhriyar Əlizadə - APA. Bu gün Bakı Ağır Cinayətlər Məhkəməsində mənimsəmədə təqsirləndirilən “S.A.B.A şirkəti” MMC-nin baş mühasibi Taley Rəhimovun cinayət işi üzrə məhkəmə prosesi davam etdirilib. APA-nın məlumatına görə, T.Rəhimov ifadə verərək özünü təqsirli bildiyini deyib. “S.A.B.A şirkəti” MMC-nin direktoru Əvəz Səfərli isə ifadəsində MMC-yə dəyən zərəri ödəməyi tələb edib.
Məhkəmə prosesi aprelin 28-də davam edəcək.
Qeyd edək ki, “S.A.B.A şirkəti” MMC-nin baş mühasibi Taley Rəhimov şirkətin 174, 5 min manatını mənimsəməkdə şübhəli bilinərək saxlanılıb. O, Cinayət Məcəlləsinin 179.3.2-ci (mənimsəmə və ya israf etmə, külli miqdarda törədildikdə) maddəsi ilə ittiham olunur. “S.A.B.A. şirkəti” MMC “Millennium” ticarət nişanlı dondurmaların istehsalı və satışını həyata keçirir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
