Saatlı. Əlibəy Zeynallı-APA. Saatlıda Araz çayında 29 yaşlı şəxs batıb.
APA-nın Mil-Muğan bürosunun məlumatına görə, axşam saatlarında Saatlı rayonunda Araz çayında bir nəfərin boğulduğu barədə məlumat daxil olub. Hüquq-mühafizə orqanlarından verilən məlumata görə, çayda batan şəxs 1987-ci il təvəllüdlü Alışov Xalid Əlisəfa oğludur.
Hazırda Fövqəladə Hallar Nazirliyinin Dövlət Sularda Xilasetmə Xidmətinin dalğıc heyəti hadisə yerində batan şəxsin axtarışını həyata keçirirlər.