Bakı. Fərid Mirzəyev - APA. "Son 5 ildə Azərbaycanda məişət zorakılığı zəminində törədilmiş cinayətlərin dinamikasında ciddi şəkildə azalma müşahidə olunub".
APA-nın xəbərinə görə, bunu Daxili İşlər Nazirinin müavini Oruc Zalov deyib.
O bildirib ki, əgər 2011-ci ildə məişət zorakılığı zəminində ölkədə törədilmiş cinayətlərin sayı 2839 idisə, 2015-ci ildə bu rəqəm azalaraq 1283-ə enib.
Nazir müavini qeyd edib ki, Azərbaycanda hər 100 min nəfərə düşən cinayətlər sayı 255-dir: "Bu isə istər Avropa, istər postsovet məkanındakı ölkələrlə müqayisədə olduqca yaxşı göstəricidir".