Bakı. Aqşin Rafiqoğlu - APA-Economics. Balakən Gömrük İdarəsinin “Mazımçay” gömrük postunda piyada xətti ilə Azərbaycana gələn Azərbaycan vətəndaşının əl yükünə gömrük baxışı keçirilib.
Dövlət Gömrük Komitəsinin Mətbuat Xidmətindən “APA-Economics”ə verilən məlumata görə, yoxlama zamanı gömrük orqanına əvvəlcədən bəyan olunmayan “SİQNUM MFT 7272M“ markalı metal detektor aşkar olunaraq götürülüb.