Bakı. Musa Əhmədov - APA-Economics. “İcraçı Kredit Agentliyi” MMC bank olmayan kredit təşkilatının (BOKT) aktivlərinin həcmi 2016-cı ilin yanvarın 1-ə 2,495 mln. manat təşkil edib ki, bu da ötən ilin müvafiq dövrünün göstəricisi ilə müqayisədə 13,15% azdır.
Bankdan “APA-Economics”ə verilən məlumata görə, hesabat dövründə BOKT-un kredit portfeli 13,01% azalaraq 2,361 mln. manat olub.
İstehlak kreditlərinin həcmi 226,918 min manat təşkil edib ki, bu da 2015-ci ilin yanvarın 1-ə olan göstəriciyə nisbətən 31,67% azalma deməkdir.
BOKT-un kredit portfelinin strukturunda vaxtı keçmiş kreditlərin həcmi 2014-cü il ilə müqayisədə 2015-ci ildə təxminən 5,05% artaraq 1,811 mln. manat olub.
Hesabat dövründə BOKT-un cəmi öhdəlikləri 184 275 manata enib.
Bir il ərzində BOKT-un məcmu kapitalı 35,53% azalaraq 3,584 mln. manata qədər azalıb, nizamnamə kapitalı 1,89% azalaraq 108,911 min manat təşkil edib.
Ötən il BOKT-un gəlirləri 2014-cü ilə nisbətən təxminən 2,76 dəfə azalaraq 393,141 min manat, xərcləri isə 16,21% azalaraq 689,555 min manat olub.
BOKT 2015-ci ili 151,620 min manat zərərlə başa vurub.
Qeyd edək ki, BOKT-un səhmlərinin 57,24%-i fiziki şəxslərə, 42,58%-i hüquqi şəxslərə, 0,18%-i Azərbaycan Kredit İttifaqları Assosiasiyasına məxsusdur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
