Göyçay. Elvin Yaqubov - APA. Göyçayda 3 nəfərin xəsarəti ilə nəticələnən avtomobil qəzası baş verib.
APA-nın yerli bürosunun xəbərinə görə hadisə, bu gün saat 12:00 radələrində Göyçay şəhərinin Nizami küçəsində qeydə alınıb. 10-KJ-339 dövlət nömrə nişanlı, “VAZ 2109” markalı minik maşını qarşı tərəfdən gələn 10-KF-904 dövlət nömrə nişanlı, “VAZ 21099” markalı avtomobillə toqquşub. Hadisə zamanı Göyçay şəhər sakinləri, 1973-cü il təvəllüdlü Rəfiyev Qabil Əliyar oğlu, 1987-ci il təvəllüdlü Quliyeva Həbibə Qeyrət qızı və 1969-cu il təvəllüdlü Quliyeva Gülnarə Məhəmməd qızı müxtəlif bədən xəsarətləri ilə Göyçay Mərkəzi rayon Xəstəxanasına yerləşdirilib.
Faktla bağlı Göyçay rayon Polis Şöbəsi tərəfindən araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
