Bakı. Şəhriyar Əlizadə - APA. Bakı və Cəlilabadda bıçaqlanma hadisəsi baş verib.
APA-nın DİN-in saytına istinadən verdiyi məlumata görə, avqustun 22-də Sabunçu rayonunun Maştağa qəsəbəsində yaşayan Kəmalə Həsənovanın evində qohumu Xəyal Həsənov münaqişə zəminində ona bıçaqla xəsarət yetirib.
Sabunçu rayon 14-cü PB əməkdaşlarının həyata keçirdikləri əməliyyat-axtarış tədbirləri nəticəsində X.Həsənov tutulub.
Avqustun 22-də Cəlilabad şəhərində isə şəhər sakini Səid Əzimov münaqişə zəminində qonşusu Məmmədəli Kərimovu bıçaqlayıb. Cəlilabad RPİ əməkdaşlarının həyata keçirdikləri əməliyyat-axtarış tədbirləri nəticəsində S.Əzimov saxlanılıb.
Hər bir faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
