ABŞ-ın “United Airlines” aviaşirkətinə məxsus Boeing 747 təyyarəsi San-Fransiskoda təcili eniş edib.
APA-nın Reuters agentliyinə istinadən verdiyi xəbərə görə, sərnişin təyyarəsi havada olarkən mühərriklərinin birində texniki nasazlıq yaranıb.
San-Fransisko-Tokio marşrutu üzrə uçan təyyarə hava limanına geri dönməli olub.
Təyyarənin göyərtəsində 202 sərnişin və 15 ekipaj üzvünün olduğu bildirilir. İnsident nəticəsində zərərçəkən olmayıb.