“Elliott Management” hedc fondu (investisiya fondu – red.) Böyük Britaniyanın BP şirkətində iştirak payı alıb və onun dəyərini artırmaq üçün neft-qaz şirkətində dəyişikliklərə təkan vermək niyyətindədir.
“APA-Economics” xəbər verir ki, bu barədə məlumatlı mənbələrə istinadən “The Wall Street Journal” yazır.
Qeyd olunur ki, təxminən 70 mlrd. dollarlıq aktivləri idarə edən “Elliott” Voll-Strit-in (Wall Street ) ən nüfuzlu investorlarından biridir.
Bildirilir ki, “Elliott”un BP-də hansı paya sahib olduğu hələlik məlum deyil.
Vurğulanır ki, investor BP-ni öz mövqeyini bərpa etmək üçün indiyədək atdığı addımlardan daha radikal addımlar atmağa çağırır.
BP-nin strategiyası son illərdə kəskin şəkildə dəyişib. Beş il əvvəl o, daha çox aşağı karbonlu enerji əməliyyatlarına diqqət yetirmək qərarına gəldi.
Xatırladaq ki, BP şirkəti Azərbaycanda iri neft-qaz layihələrinin əsas iştirakçılarından biridir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
