Bakı. Nicat Mustafayev – APA-Economics. Azərbaycan Rabitə və İnformasiya Texnologiyaları Nazirliyinin «Azərmarka» şirkəti dünyanın ilk qadın kosmonavtının kosmosa uçuşunun 50 illiyinə həsr olunmuş suvenir poçt blokunu dövriyyəyə buraxıb.
«APA-Economics»in Nazirliyə istinadən verdiyi məlumata görə, dünyanın ilk qadın kosmonavtı Valentina Tereşkova təxminən 3 sutka davam edən əlamətdar uçuşunu 1963-cü ilin iyunun 16-da «Vostok-6» kosmik gəmisində həyata keçirib. Raket Baykonur kosmodromundan start götürüb.
Blok üzərində V.Tereşkova və «Vostok-6» kosmik gəmisinin təsvirləri yer alıb.
Markanın nominal dəyəri 1 manat, tirajı 20 min suvenir blok təşkil edir.
Qeyd edək ki, BMT-nin poçt idarəsi də V.Tereşkovanın uçuşunun 50 illiyinə həsr olunmuş marka buraxıb.