APA-nın məlumatına görə, Seyid Əli Xamenei Azərbaycan prezidentinin səfərinin iki ölkə arasındakı əməkdaşlığın daha da genişlənməsi işinə xidmət edəcəyinə əminliyini vurğulayıb.
Seyid Əli Xamenei əlaqələrin bundan sonra da uğurla inkişaf edəcəyinə ümidvar olduğunu bildirib. İranın Ali Rəhbəri ölkəsinin Ermənistan-Azərbaycan, Dağlıq Qarabağ münaqişəsinin Azərbaycanın ərazi bütövlüyü əsasında həllinin tərəfdarı olduğunu bildirib. Seyid Əli Xamenei Azərbaycan prezidentinin böyük təcrübəyə malik olduğunu vurğulayıb və Azərbaycan xalqına firavanlıq arzularını çatdırıb.
Prezident İlham Əliyev ikitərəfli münasibətlərin uğurla inkişaf etdiyini, iki ölkə arasında tarixi, mədəni, dini köklərin əlaqələr üçün möhkəm zəmin yaratdığını bildirib. İlham Əliyev Azərbaycan ilə İranın beynəlxalq səviyyədə bir-birini dəstəklədiklərini vurğulayıb, iqtisadi əlaqələrin genişləndirilməsi işində yaradılmış müştərək komissiyanın mühüm rol oynayacağını diqqətə çatdırıb.
Azərbaycan prezidenti ölkələrimiz və xalqlarımız arasında əlaqələrin bundan sonra da genişləndirilməsinin əhəmiyyətini qeyd edib. Dövlət başçısı Ermənistanın təcavüzü nəticəsində meydana gəlmiş Ermənistan-Azərbaycan, Dağlıq Qarabağ münaqişəsinin yalnız və yalnız Azərbaycanın ərazi bütövlüyü çərçivəsində, beynəlxalq hüququn normaları və prinsipləri əsasında həllinin vacib olduğunu bildirib. Prezident İlham Əliyev münasibətlərin inkişafı üçün ölkələrin siyasi iradəyə malik olduğunu vurğulayaraq əlaqələrin bundan sonra da genişlənəcəyinə əminliyini söyləyib.
***
20:36
Bakı. Real Cəfərli - APA. İranda rəsmi səfərdə olan Azərbaycan prezidenti İlham Əliyev aprelin 9-da Tehranda bu ölkənin ali dini lideri Seyid Əli Xameneyi ilə görüşüb.
APA-nın “Fars” xəbər agentliyinə istinadən verdiyi məlumata görə, görüşün detalları barədə hələlik heç bir xəbər verilməyib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
