APA-nın məlumatına görə, bunu bu gün keçirdiyi mətbuat konfransında AMEA prezidenti Akif Əlizadə söyləyib.
Akif Əlizadə bildirib ki, AMEA-nın şəhərciyində əvvəllər Milli Təhlükəsizlik Nazirliyinin istifadə etdiyi bir bina olub: “İndi o binadan köçüblər. Biz bu bina ilə bağlı hökumətə gözəl bir layihə təqdim etmişik. Hökumətdə də bu layihə barədə fikir müsbətdir. Yüngül təmir aparılarsa, biz 2014-cü ildə o binaya köçə bilərik. Beləliklə də Rəyasət Heyətinin hazırda yerləşdiyi binada əsaslı təmir işlərinə başlanar və biz də əsaslı təmir işləri başa çatandan sonra yenə bu tarixi binaya qayıdarıq”.