Sosial

Ana səhifə

Sosial

Bakıda yod çatışmazlığı xəstəliklərinə həsr olunmuş dəyirmi masa keçirilib

16 aprel 2009 10:58 (UTC +04:00)

Bakı. Ülkər Qasımova-APA. Bu gün Bakıda “Yod çatışmazlığı xəstəlikləri / duzun ümumi yodlaşdırılması sahəsində nailiyyətlər, problemlər və perspektivlər” mövzusunda dəyirmi masa keçirilib. APA-nın məlumatına görə, dəyirmi masa Azərbaycanın Səhiyyə Nazirliyi və UNİCEF-in təşkilatçılığı ilə baş tutub. Dəyirmi masada yod çatışmazlığı xəstəliklərinin kütləvi profilaktikası məqsədi ilə duzun yodlaşdırılması haqqında Azərbaycan Respublikası qanunun yerinə yetirilməsinin təbliği, Yod Çatışmazlığı Xəstəlikləri (YÇX) üzrə 2007-ci ildə keçirilmiş Biomonitorinq tədqiqatının, duzun ümumi yodlaşdırılmasının (DÜY) monitorinqi məqsədi ilə 2008-ci ildə satış müəssisələrində, heyvandarlıq təsərrüfatlarında və qida istehsalı müəssisələrində keçirilən tədqiqatının nəticələrinin təqdimatı; YÇX/DÜY ilə bağlı hazırkı vəziyyətin və YÇX-nin aradan qaldırılmasına nail olmaq istiqamətində çatışmazlıqların təhlili müzakirə olunub və müvafiq sahələrdə atılacaq addımlar haqqında tövsiyələr verilib. Tədbirdə çıxış edən Səhiyyə Nazirliyinin sanitar-epidemioloji nəzarət idarəsinin rəisi Viktor Qasımov yod çatışmazlığı xəstəliklərinin aradan qaldırılması yönündə Azərbaycanda qısa müddət ərzində göstərilən səylərdən nailiyyətlər əldə olunub. Dəyirmi masada çıxış edən Milli Məclisin sosial siyasət daimi komissiyasının sədri Hadı Rəcəbli qeyd edib ki, Azərbaycanda sovetlər dönəmində bir sıra bölgələrə duz bilavasitə yodlaşdırılmış şəkildə daxil olurdu: “Bunun da məqsədi o idi ki, endokrinik xəstəliklər həmin bölgələrdə geniş yayılmışdı. Biz 2000-ci ilin əvvəlində apardığımız araşdırma nəticəsində məlum oldu ki, Azərbaycanda endokrinik xəstələrin sayında 17 dəfə artım olub. Bu da çox böyük rəqəmdir. Elə həmin ərəfədə biz qanun hazırlamalı olduq və bu qanun duzun yodlaşdırıllması adı altında meydana çıxdı. Bu MDB məkanında yeganə və model qanunlardan biridir. Bu qanunda ən ciddi məsələ Azərbaycanda həm duzun istehsalı, həm istehlakı yodlaşdırılmış şəkildə olmalıdır. Bu normanın qəbul edilməsi zamanı çox böyük çətinliklərlə üzləşdik. Biz bütün duzların yodlaşdırılması qənaətinə gəldik”. H. Rəcəbli bu prosesin ağır olduğunu deyib və prosesin icrasında bəzi problemlərin olduğunu da qeyd edib. Onun sözlərinə görə, bu qanunun qəbulundan sonra Azərbaycanda bu xəstəliklərin miqdarı dəfələrlə azalıb.

Dəyirmi masada çıxış edən UNİSEF-in Azərbaycandakı nümayəndəliyinin rəhbəri Muhamməd Ələmi bildirib ki, bu xəstəlik insanlarda ciddi problemlər yaradır: “Əlinə qalsa bu xəstəlik uşaqların həm fiziki, həm də əqli sağlamlığının az olmasına, onlarda zob kimi xəstəliklərinin yaranmasına gətirib çıxarır. Bu problemin aradan qaldırılması üçün elə də böyük xərclərə ehtiyac yoxdur. Bunun sadə bir yolu – yodlaşdırılmış duzdan istifadə etməkdir. Azərbaycan hökuməti yod çatışmazlığı xəstəliklərinin aradan qaldırılmasında irəliləyişlər əldə edib. Məsələn 2000-ci ildə aparılan araşdırma nəticəsində məlum olub ki, orada yodlaşdırılmış duzdan istifadə edən əhalinin faiz göstəricisi 41 faiz təşkil edirdi. Yeddi ildən sonra, yəni 2007-ci ildə aparılan növbəti bir araşdırma zamanı isə bu faiz göstəricisinin 77 faiz olduğu meydana çıxıb. Hazırda isə bizim qarşımızda duran əsas məsələ əhalinin yodlaşdırılmış duzdan istifadə etməsi üçün 23 faizini də əhatə etməkdir. Azərbaycandakı bu problem birgə səylər nəticəsində aradan qaldırılmalıdır. Bu problemin aradan qalxması üçün ailələr düzgün məlumatlar verilməlidir və onları yodlaşdırlmış duzdan istifadəyə yönəltməkdir”.