Sosial

Ana səhifə

Sosial

Bu il Azərbaycan FHN-in 15 əməkdaşı xidmətdən xaric edilib, 25 əməkdaş barədə digər intizam tənbehi tədbiri görülüb

16 dekabr 2011 11:03 (UTC +04:00)

Onların araşdırılması nəticəsində Respublika Baş Prokurorluğuna göndərilmiş materiallar əsasında nazirliyin qurumlarına işə düzəlməyə köməklik göstərilməsi adı ilə vətəndaşları aldadaraq pul almaları ilə bağlı 4 əməkdaş barəsində qanunvericiliyə müvafiq olaraq cinayət işləri başlanıb.

APA-nın xəbərinə görə, bu barədə fövqəladə hallar naziri, general-polkovnik Kəmaləddin Heydərov bildirib.

Onun sözlərinə görə, ötən illərlə müqayisədə neqativ halların sayı azalsa da, yerlərdə hələ də xidmət intizamının pozulması hallarına yol verilir. 2011-ci ildə FHN-in 15 əməkdaşı xidmətdən xaric edilib, 1 əməkdaş aşağı vəzifəyə keçirilib, 2 əməkdaşa tutduğu vəzifəyə uyğun olmaması barədə xəbərdarlıq edilib. 25 əməkdaş barəsində digər intizam tənbehi tədbiri tətbiq olunub.

Nazir onu da deyib ki, özlərini FHN əməkdaşı kimi təqdim edən şəxslər tərəfindən işə düzəlməkdə kömək göstərmək adı ilə vətəndaşları aldadaraq onlardan pul alınması, obyektlərin istismara qəbulu ilə əlaqədar aktlara saxta möhürlərin vurulması, eləcə də yerli icra hakimiyyəti nümayəndələri tərəfindən təbii fəlakət nəticəsində dəymiş ziyanla bağlı dövlət tərəfindən ödənilmiş məbləğin bir hissəsinin mənimsənilməsi və ya yararsız hala düşmüş evlərinin əvəzinə yeni evlərin tikintisi ilə bağlı rüşvət istənilməsi və digər məsələlər haqda daxil olan əməliyyat məlumatları və müraciətlər əsasında aparılan araşdırmalarla əlaqədar bu il prokurorluq orqanlarına 35 material göndərilib. Həmin materialların 17-si üzrə cinayət işləri başlanılıb. Digər müraciətlər üzrə isə araşdırmalar davam etdirilir.

FHN_16