İcbari tibbi sığorta paketinə daxil olan xidmətlər zərfi tətbiq ediləndən bəri 3 dəfədən artıq genişləndirilib.
APA xəbər verir ki, bunu İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev deyib.
Onun sözlərinə görə, bu gün 3315 xidmət daxil edilib:
"Xidmətlər zərfi 3 dəfədən artıq genişləndirilib. Biz istəyirik, gələcəkdə ambulator müalicələrdə də əhalinin dərman təminatı olsun. İcbari tibbi sığortaya başlayarkən 20 özəl tibb müəssisəsi ilə müqavilə bağlanmışdısa, bu gün onların sayı 100-dən artıqdır. 2019-cu ildən bu yana həkimlərin də maaşında kifayət qədər artım olub".
Zaur Əliyev bildirib ki, dövlət tibb müəssisələrində görüləcək işlər çoxdur:
"Bizim əsas məqsədimiz odur ki, vətəndaşlarımızın maddi vəziyyətindın asılı olmayaraq, tibbi xidmətə əlçatanlığı olsun, cibindən vəsait çıxmasın. Biz istəyirik, gələcəkdə ambulator müalicələrdə də dərman təminatı olsun".
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
