Bakı. Kəmalə Quliyeva – APA. Azərbaycan Respublikası Dövlət Kino-Foto Sənədləri Arxivinə Dövlət Xəzər Dəniz Gəmiçiliyi tərəfindən daimi saxlanılmaq məqsədi ilə 364 saxlama vahidi fotosənəd daxil olub. Milli Arxiv İdarəsindən APA-ya verilən xəbərə görə, fotosənədlər Azərbaycanın ikinci dəfə dövlət müstəqilliyini əldə etdikdən sonrakı dövrə aiddir. Dövlət Xəzər Dəniz Gəmiçiliyinin təsisatlarının yenidən qurulması, yeni tankerlərin istismara verilməsi, beynəlxalq yükdaşımalar sistemində tərəfdaşlıq, Dəniz Akademiyasında kadr hazırlığı, təhsil mühiti, yük limanı məntəqəsinin istifadəyə verilməsi, Dəniz Vağzalının yenidən əsaslı qurulması, ölkə rəhbərliyinin Xəzər Dəniz Gəmiçiliyində strateji obyektlərinin təməlqoyma və açılış mərasimlərində iştirakı, Kiyev şəhərində Minilliyin mükafatının təqdimatı fotosənədlərdə əks olunub.
Hazırda fotosənədlərin Milli Arxiv Fonduna qəbulu rəsmiləşdirilir və məzmununun qısa açıqlanması hazırlanır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
