Hadisə

Ana səhifə

Hadisə

Leyla və Arif Yunusların Azərbaycanı tərk etməsinə Ali Məhkəmə icazə verib - YENİLƏNİB

Leyla və Arif Yunusların Azərbaycanı tərk etməsinə Ali Məhkəmə icazə verib - <span style="color: red;">YENİLƏNİB

19 aprel 2016 12:32 (UTC +04:00)

Bakı. Şəhriyar Əlizadə - APA. Leyla və Arif Yunuslar Azərbaycanı Ali Məhkəmənın çıxardığı qərar əsasında tərk edə biliblər.

Yunusların vəkili Elçin Sadıqov APA-ya bildirib ki, dünən Ali Məhkəmənin hakimi İmran Hacıqayıbovun sədrliyi ilə kassasiya şikayətinin baxılıb və kassasiya şikayəti təmin edilərək Leyla Yunus və Arif Yunusun ölkədən çıxışına icazə verilib.

Vəkil onu da əlavə edib ki, şikayətə təcili baxıldığı üçün məhkəmə baxışı barədə onlara da məlumat verilməyib.

Qeyd edək ki, Yunuslar artıq Hollandiyanın paytaxtı Amsterdam şəhərindədirlər.

***

saat 13.57

Bakı. Şəhriyar Əlizadə - APA. "Leyla Yunus və Arif Yunusa ölkəni tərk etməyə icazə verilib. Onlarla axşam danışmışam. Həkim Vit onları müayinə üçün ölkəyə gəlmişdi. Onların səhhətlərinin çox ağır olması barədə yenidən əsaslandılmış rəy yazmışdı. Onlar müalicə üçün ölkədən buraxılıblar".

APA-nın məlumatına görə, bunu vəkil Elçin Sadıqov "Facebook" səhifəsində yazıb.

Vəkil onu da qeyd edib ki, tam bəraət alınana qədər məhkəmə işləri davam edəcək.

E. Sadıqov APA-ya bıdirib ki, Yunuslar bu səhər Azərbaycanı tərk ediblər. Onlar müalicə üçün Hollandiyaya gediblər.

Qeyd edək ki, Leyla və Arif Yunuslar Cinayət Məcəlləsinin 178.3.2-ci və digər maddələrinə əsasən ittiham olunublar. Bakı Ağır Cinayətlər Məhkəməsinin 13 avqust 2015-ci tarixli hökmü ilə Leyla Yunus 8 il 6 ay, Arif Yunus isə 7 il müddətinə azadlıqdan məhrum edilib. Hökmdə həmçinin onların əmlaklarının müsadirə olunması, bank hesablarındakı vəsaitin alınaraq dövlətin hesabına köçürülməsi öz əksini tapıb. Hökmdən narazı qalan təqsirləndirilən şəxslər apellyasiya şikayəti veriblər.

Bakı Apellyasiya Məhkəməsinin 2015-ci il noyabrın 12-də keçirilən prosesində Arif Yunusun barəsində seçilmiş həbs-qətimkan tədbiri dəyişdirilib, ondan başqa yerə getməməklə bağlı iltizam alıb. Bundan sonra Arif Yunus məhkəmə zalından azadlığa buraxılıb.

2015-ci il dekabrın 9-da isə apellyasiya şikayəti üzrə qərar elan edilib. Qərara əsasən Leyla Yunus barəsində təyin olunan 8 il 6 ay, Arif Yunus barəsində isə təyin olunan 7 il müddətində azadlıqdan məhrum etmə cəzası 5 il sınaq müddəti təyin olunmaqla şərti hesab edilib. Leyla Yunus məhkəmə zalından azadlığa buraxılıb.