Gəncə. Azər Məmmədli – APA. Gəncə şəhər sakinin evində bıçaqlayaraq qətlə yetirən şəxs saxlanılıb. APA-nın qərb bürosunun verdiyi məlumata görə, hüquq-mühafizə orqanları əməkdaşlarının həyata keçirdikləri əməliyyat axtarış tədbirləri nəticəsində Gəncə şəhər sakini, 1964-cü il təvəllüdlü Nahidə İsmayılovanı yaşadığı evdə bıçaqlayaraq qətlə yetirən şəxs müəyyən olunaraq saxlanılıb. Məlum olub ki, cinayəti törədən Gəncə şəhər sakini, 1974-cü il təvəllüdlü İlham Abbasovdur. İlkin ehtimala görə qətl borc üstündə törədilib.
Faktla bağlı Gəncə şəhər Prokurorluğunda cinayət işi açılıb. Araşdırma gedir.
***
15:49
Gəncə. Azər Məmmədli – APA. Gəncədə bıçaqlanan qadın ölüb.
APA-nın qərb bürosunun verdiyi məlumata görə, şəhər sakini, qarın nahiyəsinin kəsilmiş-deşilmiş yarası xəsarətləri ilə Gəncə şəhər Təcili Tibbi Yardım Xəstəxanasına yerləşdirilən şəhər sakini, 1964-cü il təvəllüdlü Nahidə İsmayılova orada dünyasını dəyişib. Ona 8 bıçaq zərbəsi vurulub.
İlkin ehtimala görə, qadın tanışı tərəfindən bıçaqlanıb.
Faktla bağlı araşdırmalar davam etdirilir.
***
15:02
Gəncə. Azər Məmmədli – APA. Gəncədə bıçaqlanma hadisəsi olub. APA-nın qərb bürosunun verdiyi məlumata görə, şəhər sakini, 1964-cü il təvəllüdlü Nahidə İsmayılova qarın nahiyəsinin kəsilmiş-deşilmiş yarası xəsarətləri ilə Gəncə şəhər Təcili Tibbi Yardım Xəstəxanasına yerləşdirilib. Dərhal əməliyyat edilən qadının vəziyyəti orta-ağır qiymətləndirilir. Onun kim tərəfindən və hansı şəraitdə bıçaqlandığı hələ ki, məlum deyil. Faktla bağlı hüquq-mühafizə orqanları tərəfindən araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
