“Çinin Uhan şəhərindəki vətəndaşlarımızın təxliyələrinin həyata keçirilməsi üçün qardaş Türkiyə ilə birlikdə zəruri işlər görülüb. Səfir Xəzər İbrahim də karantin şərtlərinə uyğun olaraq, təyyarəni qarşılayanlar arasında olacaq”.
Bu barədə APA-nın yerli bürosuna Azərbaycanın Türkiyədəki Səfirliyindən bildirilib.
Məlumatda qeyd olunub ki, Prezident İlham Əliyevin Çinin Uhan şəhərindəki vətəndaşlarımızın təxliyəsi ilə bağlı verdiyi tapşırığa əsasən, səfirlik ilk gündən lazımi addımlar atıb. Həm Türkiyənin Xarici İşlər Nazirliyi, həm də digər aidiyyəti qurumlarla mütəmadi əlaqə saxlanılıb.
Bildirilib ki, Çindən təxliyə olunan Azərbaycan vətəndaşlarının Türkiyədə qaldığı 14 gün ərzində səfirlik lazım olan diqqət və qayğını göstərəcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
