Bakı. Türbət Bağırova - APA. “Azərbaycan dördüncü dəfə Qlobal Bakı Forumuna ev sahibliyi etməklə, çox böyük iş görür. Nizami Gəncəvi Beynəlxalq Mərkəzi dünyanın müxtəlif yerlərindən insanları dəvət edərək bu təşəbbüsdə ön sıralarda durur”.
APA-nın xəbərinə görə, bu barədə Beynəlxalq və Avropa Məsələləri İnstitutunun üzvü (İnstitute of İnternational and European Affairs) Fransis Martin O`Donnell deyib.
O qeyd edib ki, dünyanın üzləşdiyi çağırışları müzakirə etmək üçün bir araya gəlmək vacibdir: “Dialoq, əməkdaşlıq, bu tipli görüşlərdə aparılan fikir mübadiləsi problemlərin həlli yollarının tapılmasına və çoxtərəfli əməkdaşlıqda etimada gətirib çıxara bilər”.
F. O`Donnelin sözlərinə görə, bu tipli forumlar beynəlxalq çağırışlara qarşı mübarizədə nailiyyətlərin əldə edilməsinə yardım edə bilər. “Biz anlamaya başlayırıq ki, yaranmış situasiyaları başqa formada həll etmək mümkün deyil. Yalnız bir-birimizi dinləyərək, müzakirə edərək hansısa təşəbbüslər əldə edə bilərik”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
