Bakı. Aqşin Rafiqoğlu - APA-Economics. Bu ilin birinci rübündə Azərbaycan Dövlət Neft Şirkətinin (SOCAR) Kulevi Neft Terminalından ümumilikdə 700 min metr/ton məhsul daşınıb.
“APA-Economics”in terminalın saytına istinadən verdiyi məlumata görə, bu, ötən ilin müvafiq dövrü ilə müqayisədə daşınan hidrokarbon ehtiyatlarından 20% çoxdur.
Kulevi terminalı istifadəyə verilən dövrdən bu vaxtadək terminaldan ümumilikdə 18 mln. ton karbohidrogenlər və neft-kimya məhsulları daşınıb. Belə ki, həmin məhsulların 27,85%-ni yanacaq yağları, 21,63%-ni xam neft və 43,98%-ni qaz yağları təşkil edib. Bu həcmin 1,51%-i isə aviasiya kerosini, propilen və metanol kimi digər məhsulların payına düşüb.
Qeyd edək ki, Kulevi Neft Terminalı və limanı 2008-ci ilin mayında istismara verilib. Bu kimi məhsullar 2012-ci ildən bəri Qara dəniz terminalı vasitəsilə həyata keçirilən yeni layihənin nəticəsi olaraq ötürülüb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
