Birləşmiş Millətlər Təşkilatı (BMT) Azərbaycana müvəqqəti rezident əlaqələndirici təyin edib.
APA xəbər verir ki, bu barədə məlumat BMT-nin saytında yerləşdirilib.
Bildirilib ki, BMT-nin Azərbaycandakı müvəqqəti rezident əlaqələndiricisi vəzifəsinə İqor Qarafuliç təyin olunub.
Qeyd edək ki, BMT-nin Azərbaycandakı rezident əlaqələndiricisi Vladanka Andreyevanın səlahiyyət müddəti yanvarın 8-də başa çatıb.
Xatırladaq ki, İqor Qarafuliç hazırda başqa ölkədə çalışan BMT rəsmisi Azərbaycana gələnədək bu vəzifəni 1 iyul 2026-cı il tarixinədək müvəqqəti icra edəcək. Yeni təyin olunan rezident əlaqələndirici isə öz vəzifəsini 1 iyul 2026-cı il tarixindən etibarən icra etməyə başlayacaq.
İqor Qarafuliç 2024-cü ilin oktyabr ayından 2025-ci ilə qədər Paraqvayda BMT-nin müvəqqəti rezident əlaqələndiricisi kimi çalışıb. O, bundan əvvəl Peruda (2019–2024) və Hondurasda (2018–2019) BMT-nin rezident əlaqələndiricisi vəzifələrində çalışıb.
Rezident əlaqələndirici təyinatlarından əvvəl Qarafuliç BMT-nin İnkişaf Proqramında (UNDP) bir sıra yüksək vəzifələr tutub. O, Qvatemalada ölkə direktoru (2014–2018), Latın Amerikası və Karib hövzəsi üzrə Regional Büroda Aparat rəhbəri (2010–2014), eləcə də BMTİP-in Latın Amerikası və Karib hövzəsi üzrə Regional Ofisində baş məsləhətçi (2010) vəzifələrində çalışıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
