Regionda sabitliyin qorunması çox vacibdir. Gürcüstan son zamanlar bölgədə inkişaf edən tendensiyalardan məmnundur.
APA-nın yerli bürosu xəbər verir ki, bunu Gürcüstanın Baş naziri İrakli Kobaxidze Gürcüstan-Ermənistan Hökumətlərarası İqtisadi Əməkdaşlıq Komissiyasının 15-ci iclasında deyib.
Onun sözlərinə görə, Azərbaycanla Ermənistan arasında imzalanmış sülh sazişi böyük əhəmiyyət kəsb edib.
"Bütün bunlar bölgəmizin gücləndirilməsi və inkişafına daha çox qayğı göstərməyimiz üçün çox yaxşı zəmin yaradır", - Kobaxidze əlavə edib.
Ermənistanın Baş naziri Nikol Paşinyan isə bildirib ki, Gürcüstanın dəstəyi ilə Ermənistan, Gürcüstan və Azərbaycan arasında üçtərəfli ticarət və münasibətlər dərinləşib.
O qeyd edib ki, Ermənistanla Azərbaycan arasında sülh bölgədəki mühiti yaxşılaşdırır.
Paşinyan gürcü həmkarına Ermənistan və Azərbaycan arasında sülh prosesinə daimi dəstəyinə görə təşəkkür edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
