Baş Nazir Novruz Məmmədov bu gün Dünya Bankının Cənubi Qafqaz üzrə regional direktoru Sebastian Molenös ilə görüşüb.
Nazirlər Kabinetinin mətbuat xidmətindən APA-ya verilən məlumata görə, N. Məmmədov Dünya Bankı ilə Azərbaycan arasında çox yaxşı əməkdaşlıq əlaqələrinin qurulduğunu bildirib, son illər bu münasibətlərin daha da inkişafından məmnunluğunu ifadə edib.
Azərbaycan Prezidenti İlham Əliyevin Dünya Bankının baş icraçı direktoru ilə cari ilin yanvarında Davosda keçirdiyi görüşü xatırladan N. Məmmədov həmin görüşdə əməkdaşlığını inkişaf perspektivlərinə dair fikir mübadiləsinin aparıldığını vurğulayıb.
Bu günə qədər Azərbaycan ilə Dünya Bankı arasında 50-yə yaxın layihənin reallaşdırıldığını qeyd edən Baş Nazir deyib ki, biz birgə çox önəmli layihələr üzərində işləmişik: “Bu layihələrin uğurla reallaşmasında Dünya Bankının və onun regional direktorunun çox önəmli rolu olub. Əminəm ki, əməkdaşlığımız bundan sonra da uğurla inkişaf edəcək”.
Söhbət zamanı Dünya Bankı ilə Azərbaycan arasında kənd təsərrüfatı, təhsil, səhiyyə sahələrində əməkdaşlığın perspektivlərinə, Şimal-Cənub nəqliyyat dəhlizinin yaradılması istiqamətində infrastruktur layihələrinin icrasının dəstəklənməsinə və qarşılıqlı maraq doğuran digər məsələlərə dair fikir mübadiləsi aparılıb.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
