Bakı-APA. Konqoda hərbi sursat anbarında partlayış nəticəsində 20 nəfər ölüb, 50 nəfər yaralanıb. APA-nın “RİA Novosti”yə istinadən verdiyi xəbərə görə, insident Mbuji-Mayi şəhərində baş verib. İldırım çaxması nəticəsində anbarın ərazisində başlayan yanğın güclü partlayışla nəticələnib. Məlumata görə, ölənlər arasında qadınların və uşaqların olduğu bildirilir.
Partlayış nəticəsində şəhərdə bir neçə ev uçub.