Bakı. Anaxanım Hidayətova – APA. Bu ilin dekabrında İrəvanda Ermənistan-ABŞ müdafiə məsləhətləşmələri keçiriləcək.
APA-nın “Novosti Armeniya” agentliyinə istinadən verdiyi məlumata görə, Ermənistan Müdafiə Nazirliyindən bildirilib ki, məsləhətləşmələr zamanı tərəflər əməkdaşlıq məsələlərini detallı şəkildə müzakirə edəcəklər.
Məsləhətləşmələrin keçirilməsi barədə razılıq Ermənistan müdafiə nazirinin 1-ci müavini David Tonoyan və ABŞ müdafiə nazirinin müavininin Rusiya, Ukrayna və Avrasiya üzrə köməkçisi Evelin Farkasın Brüsseldə keçirilən görüşündə əldə olunub.
Tərəflər həmçinin Ermənistan hərbçilərinin ABŞ-ın hərbi-tədris müəssisələrində və təlim mərkəzlərində fərdi və bölmələrin tərkibində təlim və kurslarda iştirak imkanlarını müzakirə ediblər.