“Separatizm meyllərinin artması bu gün dünyanın qarşısında duran ən böyük təhlükələrdən biridir”.
APA-nın məlumatına görə, bu sözləri Çexiyanın Azərbaycandakı səfiri Vıçislav Pivonka "GUAM və Vişeqrad qrupu: regional əməkdaşlıq imkanları və məhdudiyyətlər" adlı dəyirmi masada çıxışında deyib. O bildirib ki, bu gün dünyanı separatizm meylləri bürüyüb: “Son 4 ildə dünya əsaslı şəkildə dəyişib. Bu isə hamımıza real təhdid təşkil edir. GUAM və Vışeqrad qrupu da daxil olmaqla, dünya birliyinin bu təhdidlərə qarşı birgə mübarizəsi çox vacibdir”.