ABŞ prokurorluğu İrana qarşı sanksiyaları pozmağa cəhd etməkdə təqsirli bilinən Türkiyənin “Halkbank” bankının baş direktorunun müavini Mehmet Hakan Atillanın 15 il müddətinə azadlıqdan məhrum edilməsini istəyib.
APA-nın “Daily Sabah”a istinadən verdiyi xəbərə görə, bundan əlavə prokurorluq 500 min dollaradək məbləğində cərimə ödənilməsini tələb edib.
Bu ilin yanvarında ABŞ məhkəməsi Mehmet Hakan Atillanı İrana qarşı sanksiyaları pozmağa cəhd etməkdə təqsirli bilib.
“Halkbank”-ın baş direktorunun müavini ötən ilin martında ABŞ-da saxlanılıb. ABŞ tərəfi M.H.Atillanın sahibkar Rza Zərrabla sövdələşməyə girdiyini və sanksiyaları pozmaqla İrana milyonlarla dollar məbləğində pul köçürməyi planlaşdırdığını iddia edib. Türkiyə XİN rəhbəri Mövlud Çavuşoğlu M.H.Atillanın FETÖ terror təşkilatının rəhbəri Fətullah Gülənin göstərişi ilə həbs edildiyini bildirib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
