ABŞ Dövlət Departamenti Rusiya XİN sözçüsü Mariya Zaxarovanın sentyabrın 2-də Rusiyanın San-Fransiskodakı konsulluğunda axtarışların aparılacağına dair açıqlamasına reaksiya verib.
APA-nın məlumatına görə, bu barədə RİA Novosti xəbər verib.
Dövlət Departamentinin nümayəndəsi məsələ ilə bağlı Federal Təhqiqatlar Bürosuna müraciət etməyi tövsiyə edib.
“Axtarışlarla bağlı istənilən məsələyə görə FTB-yə müraciət edilməlidir”, Dövlət Departamenti rəsmisi vurğulayıb.
Bundan əvvəl Rusiya XİN rəsmi nümayəndəsi Mariya Zaxarova sentyabrın 2-də ABŞ xüsusi xidmət orqanları tərəfindən Rusiyanın San-Fransiskodakı konsulluğunda axtarışların aparılacağını bildirib. Avqustun 31-də ABŞ Dövlət Departamenti ölkədəki Rusiya diplomatik nümayəndəliklərinin fəaliyyəti ilə bağlı yeni məhdudiyyətlər elan edib. Buna əsasən sentyabrın 2-nə qədər San-Fransiskodakı Rusiya Baş Konsulluğu, eləcə də Vaşinqton və Nyu Yorkdakı konsulluq obyektləri bağlanmalıdır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
