Puerto-Rikonun qubernatoru Rikardo Roselyo regiona “İrma” qasırğasının yaxınlaşması ilə əlaqədar ölkədə fövqəladə vəziyyət tətbiq edib.
APA-nın məlumatına görə, bu barədə “Fox News” xəbər verib.
Meteoroloqların proqnozlarına görə, ölkədə 25 sm yağmur və 7 m hündürlüyündə dalğaların yaranacağı gözlənilir.
Qeyd edək ki, ABŞ-ın Texas ştatında baş verən “Harvi” qasırğası 44 nəfərin həyatına son qoyub. İlkin hesablamalara görə, qasırğanın vurduğu ziyan 150 milyard ABŞ dollar təşkil edib.