ABŞ-ın paytaxtı Vaşinqtonda polislə Donald Trampın əleyhdarları arasında baş verən toqquşmalar nəticəsində saxlanılanların sayı 217 nəfərə çatıb.
APA-nın TASS agentliyinə istinadən verdiyi xəbərə görə, bu barədə Vaşinqton polis idarəsinin rəisi vəzifəsinin səlahiyyətlərini icra edən Piter Nyüşem bildirib.
Onun sözlərinə görə, şəhərdə qeydə alınan müxtəlif insidentlər zamanı 6 polis əməkdaşı xəsarət alıb.
“Ümumiliklə iğtişaşlar nəticəsində 217 nəfər saxlanılıb, 6 polis əməkdaşı müxtəlif dərəcəli xəsarət alıb”, deyə P.Nyüşem qeyd edib.
***
00:13
ABŞ-ın paytaxtı Vaşinqtonda polislə Donald Trampın əleyhdarları arasında toqquşmalar baş verib.
APA-nın CNN-ə istinadən verdiyi xəbərə görə, iğtişaşlar nəticəsində 90 nəfər saxlanılıb.
Məlumata görə, iki polis əməkdaşı yaralanıb. Polis etirazçılara qarşı gözyaşardıcı qaz və su şırnaqlarından istifadə edib.
Qeyd edək ki, yanvarın 20-də Vaşinqtonda ABŞ-ın 45-ci prezidenti Donald Trampın inauqurasiya mərasimi keçirilib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
