Paşha Bank
Bank Of Baku

İndoneziyada yanan fabrikdən 7 cəsəd çıxarılıb, itkin düşənlərin sayı 50-yə çatıb - YENİLƏNİB-2

İndoneziyada yanan fabrikdən 7 cəsəd çıxarılıb, itkin düşənlərin sayı 50-yə çatıb - YENİLƏNİB-2
# 22 noyabr 2026 15:26 (UTC +04:00)

İndoneziyanın Banten əyalətində fabrikdə baş verən yanğından sonra aparılan axtarış-xilasetmə əməliyyatı zamanı 7 cəsədin qalıqları aşkar edilib.

APA “Reuters”ə istinadən xəbər verir ki, hadisə yerindən insan qalıqlarının olduğu 7 meyit torbası çıxarılıb.

Polisin məlumatına görə, torbalardan birində bir neçə nəfərə aid qalıqların olması ehtimal edilir. Bu səbəbdən ölənlərin dəqiq sayı hələ müəyyənləşdirilməyib.

Bildirilib ki, yanğın nəticəsində 50 nəfərdən xəbər yoxdur.

Meyitlərin tanınması üçün yaxınlarından DNT nümunələri götürülür. Şəxsiyyətlərin müəyyənləşdirilməsi prosesinin iki-üç həftə davam edə biləcəyi qeyd olunur.

Yanğının səbəbləri araşdırılır, axtarış-xilasetmə işləri davam etdirilir.

***

12:57

İndoneziyanın Banten əyalətinin Çikande bölgəsində yerləşən fabrikdə baş verən yanğından sonra itkin düşənlərin sayı 50-yə çatıb.

APA “Reuters”ə istinadən xəbər verir ki, axtarış-xilasetmə əməliyyatları zamanı hadisə yerindən yeddi meyit torbası çıxarılıb.

Hazırda axtarış-xilasetmə işləri davam etdirilir.

***

11:32

İndoneziyanın Banten əyalətində şirniyyat fabrikində baş verən yanğın nəticəsində 3 nəfər ölüb, 4 nəfər yaralanıb, 36 nəfərdən isə xəbər yoxdur.

APA “Reuters”ə istinadən xəbər verir ki, hadisə Seranq bölgəsinin Çikande sənaye ərazisində yerləşən “PT Fonusa Agung Mulia” fabrikində qeydə alınıb.

İndoneziyanın Milli Axtarış və Xilasetmə Agentliyinin (BASARNAS) məlumatına görə, yanğın zamanı 15 nəfər xilas edilib. Onlardan 4-ü xəstəxanaya yerləşdirilib.

Hazırda xəbər alınmayan 36 nəfərin axtarışları davam etdirilir.

Yanğının başvermə səbəbi hələlik müəyyən edilməyib.

1 2 3 4 5 İDMAN XƏBƏR
#
#

ƏMƏLİYYAT İCRA OLUNUR