Rusiya və Türkiyə prezidentləri Vladimir Putin və Rəcəb Tayyib Ərdoğan arasında telefon danışığı olub.
APA-nın Reuters agentliyinə istinadən verdiyi xəbərə görə, telefon danışığı zamanı tərəflər Suriyanın Hələb şəhərindən insanların təxliyəsi ilə bağlı ziddiyətlərin aradan qaldırılmasının zəruriliyini vurğulayıblar.
Tərəflər həmçinin əhalini humanitar yardımla təmin etmək üçün səylərin artırılması, Suriya böhranı üzrə siyasi həllin mümkün qədər tez tapılmasının vacibliyini qeyd ediblər. Məlumata görə, Putin və Ərdoğan həmçinin Astanada Suriya hökumət və müxalifət nümayəndələri arasında görüşün keçirilməsini müzakirə ediblər.
Məlum olduğu kimi, bundan əvvəl Qazaxıstan prezidenti Nursultan Nazarbayev Putin və Ərdoğanla Astanada Suriyaya üzrə görüşün keçirilməsinin mümkünlüyü müzakirə edib.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
