Rusiya müdafiə naziri Sergey Şoyqu Moskva vilayətinin Alabino poliqonunda yerləşən “Patriot-Ekspo” Konqres-Sərgi Mərkəzində keçirilən “ARMY-2019“ V Beynəlxalq Hərbi-Texniki Forumunda Azərbaycan stendi ilə tanış olub.
APA-nın Moskva bürosunun verdiyi məlumata görə, Azərbaycanın Müdafiə Sənayesi nazirinin mavini Yəhya Musayev Rusiya müdafiə nazirinə Azərbaycan stendində nümayiş olunan silahlar barədə məlumat verib.
O bildirib ki, Azərbaycanın sənaye kompleksi ilə Rusiya sənaye kompleksi arasında uzunmüddətli əməkdaşlıq əlaqələri mövcuddur və tərəflər bu əlaqələri daha da inkişaf etdirmək niyyətindədir.
Qeyd edək ki, “ARMY-2019“ V Beynəlxalq Hərbi-Texniki Forumu bu gün başlayıb və iyunun 30-na kimi davam edəcək. Forumda 12 ölkə təmsil olunur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
