Bakı. Vahab Rzayev – APA-Economics. Azərbaycan Qiymətli Kağızlar üzrə Dövlət Komitəsi tərəfindən «Accessbank» QSC-nin təmin edilməmiş, faizli adlı sənədsiz istiqrazlarının emissiya prospekti dövlət qeydiyyatına alınıb.
Bakı Fond Birjasından «APA-Economics»ə verilən məlumata görə, emissiyanın həcmi 10 mln. manat təşkil edir.
Bir istiqrazın nominal dəyəri 1 min manatdır. İstiqrazlar üzrə gəlirlik illik 9%, tədavül müddəti isə 1 təqvim ili təşkil edir.
Qeyd edək ki, istiqrazların yerləşdirilməsi kütləvi təklif üsulu ilə Bakı Fond Birjasında keçiriləcək.