Bakı. Anaxanım Hidayətova – APA. Ermənistan prezidenti Serj Sarkisyan martın 12-də Rusiyaya rəsmi səfərə gedəcək. APA-nın “Armenia Today” saytına istinadən verdiyi məlumata görə, S. Sarkisyan Moskvada həmkarı Vladimir Putin tərəfindən qəbul olunacaq. Tərəflər Avroasiya İttifaqı, Gömrük İttifaqı, Kollektiv Təhlükəsizlik Müqaviləsi Təşkilatı ilə bağlı məsələləri, Xocalı hava limanının açılması mövzusunu və ikitərəfli əlaqələri müzakirə edəcəklər.