Bakı-APA. Xarici İşlər Nazirliyinin (XİN) rəhbər heyəti və kollektivi diplomatik xidmət orqanları əməkdaşlarının peşə bayramı günü münasibətilə iyulun 8-də Fəxri Xiyabanda Heydər Əliyevin və akademik Zərifə Əliyevanın məzarını ziyarət edib.
XİN mətbuat xidmətindən APA-ya bildirilib ki, əməkdaşları daha sonra Şəhidlər Xiyabanı ziyarət ediblər, “Əbədi məşəl” abidəsinin önünə əklil və gül dəstələri qoyulub.
Qeyd edək ki, 1919-cu il iyul ayının 9-da Azərbaycan Demokratik Cümhuriyyəti Xarici İşlər Nazirliyinin katibliyinə dair müvəqqəti təlimatın qəbul edildiyini əsas tutaraq prezident İlham Əliyev hər il 9 iyul tarixinin Azərbaycanda diplomatik xidmət orqanları əməkdaşlarının peşə bayramı günü kimi qeyd edilməsi haqqında 24 avqust 2007-ci ildə Sərəncam imzalayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
