Diaspor

Ana səhifə

Diaspor

Türkiyə-Azərbaycan Dərnəyinin açılış mərasimi keçirilib - FOTOSESSİYA

Türkiyə-Azərbaycan Dərnəyinin açılış mərasimi keçirilib - <font color=red>FOTOSESSİYA</font>

26 sentyabr 2011 14:41 (UTC +04:00)

Diasporla İş Üzrə Dövlət Komitəsinin mətbuat xidmətindən APA-ya verilən məlumata görə, mərasimdə Azərbaycandan və Türkiyənin müxtəlif guşələrindən 500-dək qonaq iştirak edib. Mərasimi giriş sözü ilə açan İstanbul Türkiyə-Azərbaycan Dərnəyinin rəhbəri Səftər Qaraqoyunlu dünyanın müxtəlif ölkələrində yaşayan eyni millətin övladlarını bir arada toplaşmasından qürur duyduğunu bildirib: “Bu dərnəyin yaradılmasında məqsəd Türkiyə və Azərbaycan Türkləri arasında mövcud olan dostluq, qardaşlıq və həmrəylik əlaqələrinin inkişaf etdirilməsidir. Azərbaycan və Türkiyənin dostluq və həmrəyliyi sonsuzadək davam etməlidir. Biz Azərbaycanın haqlı mübarizəsini dünya ictimaiyyətinə var gücümüzlə anlatmalıyıq. Biz İstanbul Türkiyə Azərbaycan Dərnəyi olaraq Azərbaycan və Türkiyənin dünyada səsi olacağıq”.

Açılış mərasimində iştirak etmək üçün Ankaradan gəlmiş İsa Yaşar Tezel və Ənvər Türkoğlu yeni yaradılmış dərnəyə uğurlar arzulayaraq qərb ölkələrinin “Qarabağ məsələsinə” ikili standartlarla yanaşdıqlarını qeyd ediblər.

Cəfəri türklərinin dini lideri Səlahəddin Özgündüz çıxışında Azərbaycan üçün ölməyə hazır olduğunu qeyd edərək iki məsələdə Azərbaycanı sonsuz dəstəklədiklərini bildirib: “Qarabağın alınması üçün hər cür dəstək verəcəyik. İkinci diləyimiz Azərbaycanda hazırda olduğu kimi gələcəkdə də dini azadlığın davam etməsidir”.

İstanbuldan millət vəkili seçilmiş CXP nümayəndəsi Ali Özgündüz təmsil etdiyi partiyanın Azərbaycanı daima dəstəklədiyini qeyd edərək, “Qarabağ məsələsində daha güclü lobbi fəaliyyətinə ehtiyac varr”, - deyə bildirib.
Azərbaycanın Diasporla İş üzrə Dövlət Komitəsinin şöbə müdiri Tahir Hacıyev Azərbaycanla Türkiyə arasında mövcud olan qardaşlıq əlaqələrinin getdikcə inkişaf etdiyini qeyd edib.
İğdırdan millət vəkili seçilmiş MHP üzvü Sinan Oğan isə çıxışında bunları deyib: “Xocalıda törədilmiş soyqırımı kimsə görmək istəmir. İşğal olunan Azərbaycan torpaqları barədə heç kəs danışmır. Ağrı Dağını istəyən erməni ilə hansı qardaşlıqdan söhbət gedə bilər?”.

Rəsmi hissə başa çatdıqdan sonra tədbir şer, musiqi və xalq oyunlarından ibarət bədii hissə ilə davam edib.

Türkiyə-Azərbaycan Dərnəyi