Din

Ana səhifə

Din

Oğuzda “Dövlət-din münasibətləri və maarifləndirmə işi” mövzusunda seminar-treninq keçirilir - FOTOSESSİYA

Oğuzda “Dövlət-din münasibətləri və maarifləndirmə işi” mövzusunda seminar-treninq keçirilir - <font color=red>FOTOSESSİYA</font>

01 oktyabr 2012 15:20 (UTC +04:00)

Bakı. Ramil Məmmədli - APA. Bu gün Oğuz şəhərində Azərbaycan Dini Qurumlarla İş üzrə Dövlət Komitəsi və İslam Konfransı Gənclər Forumu Avrasiya Regional Mərkəzinin təşkilatçılığı ilə “Dövlət-din münasibətləri və maarifləndirmə işi” mövzusunda başlayan seminar-treninqin ilk günü başa çatıb.

APA-nın məlumatına görə, tədbirin açılış mərasimində Dini Qurumlarla İş üzrə Dövlət Komitəsinin sədri Elşad İsgəndərov, Qafqaz Müsəlmanları İdarəsinin sədri Şeyxülislam Hacı Allahşükür Paşazadə, Oğuz Rayon İcra Hakimiyyətinin başçısı Eyvaz Qurbanov, Prezident Administrasiyası İctimai-siyasi məsələlər şöbəsinin əməkdaşı Canpolad Musayev, akademik Vasim Məmmədəliyev və digər rəsmi şəxslər iştirak ediblər.

Seminar-treninqi giriş sözü ilə açan Dini Qurumlarla İş üzrə Dövlət Komitəsinin sədri Elşad İsgəndərov Oğuzdakı toplantının Azərbaycanın müxtəlif bölgələrində keçiriləcək analoji silsilə tədbirlərin ilki olduğunu diqqətə çatdırıb. O, ölkə dindarlarının müasir dövrün tələbləri ilə ayaqlaşmalarının zəruriliyini vurğulayıb. Komitə sədri Azərbaycanda yüksək səviyyədə olan “dövlət-din” münasibətlərinin daha da təkmilləşdirilməsinin vacibliyini önə çəkib. E.İsgəndərov müstəqillik dönəmində Azərbaycanda din sahəsinin sürətli inkişafında Heydər Əliyevin müstəsna xidmətlərini qeyd edib. O bildirib ki, maarifləndirmə komitənin fəaliyyətində əsas istiqamət olacaq.

Şeyxülislam Hacı Allahşükür Paşazadə bildirib ki, bəzi xarici qüvvələr Azərbaycanda daim yüksək səviyyədə olan dini tolerantlıq ab-havasına zərbə vurmağa çalışır. Bunun qarşısını almaq üçün istər bölgədə, istərsə də ölkənin digər regionlarında din xadimləri diqqətli olmalı, maarifləndirmə prosesinə xüsusi həssaslıqla yanaşmalıdırlar.

Digər natiqlər də çıxışlarında Azərbaycanda din sahəsində maarifləndirmə prosesinin müasir tələblərə uyğunlaşdırılmasında seminar-treninqlərin mütəmadi keçirilməsinin zəruriliyindən söz açıblar. Daha sonra seminar-treninqin “Milli-mənəvi dəyərlərə baxış: tarixilik və müasirlik” və “Dini radikalizm və onunla mübarizə üsulları” mövzusunda seminarlarla davam etdirilib.

Qeyd edək ki, respublikanın şimal-qərb bölgəsində fəaliyyət göstərən dini icma sədrləri, imam və axundlar, eləcə də fəal dindar və ilahiyyatçılar üçün keçirilən tədbir 2 gün davam edəcək.