Bakı. Mübariz Aslanov - APA. “Azərbaycanda əksər dini icmaların maarifçilik səviyyəsi cəmiyyətin tələbatı fonunda qənaətbəxş deyil”. APA-nın məlumatına görə, bunları Dini Qurumlarla İş üzrə Dövlət Komitəsinin sədri Elşad İskəndərov bildirib.
Komitə sədri qeyd edib ki, əksər din xadimləri biliklərinə görə vətəndaşların tələblərinə uyğun deyillər: “Bunu ən azı gündəlik müxtəlif məclislərdə hamımız şahidi oluruq”.
E.İskəndərov deyib ki, Azərbaycanda dini biliklərə maraq artdıqca, daha yüksək səviyyədə biliklərə sahib din xadimlərinə ehtiyac artır: “Bu sahədə Komitənin müxtəlif elmi metodlardan ibarət proqramları olacaq”.
Komitə sədrinin sözlərinə görə, ölkədəki dini icmaların fəaliyyəti dövlətin uğurlu siyasəti ilə həmahəng olmalı, dövlətçilik missiyasından yayınmamalıdır: “Bununla bağlı komitə üzərinə düşən inzibati funksiyanı həyata keçirməkdədir. Əvvəllər icmalar arasında müəyyən narazılıq vardısa, son illər müxtəlif texnoloji yeniliklər sayəsində bu yeniliklər aradan qalxıb”.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
