Bakı. Könül Cəfərli – APA. İran Mədəni İrs Təşkilatının sədr müavini Məsud Ələvianla Azərbaycan mədəniyyət və turizm nazirinin müavini Nazim Səmədovun görüşündə İrəvandakı Göy məscidlə bağlı müzakirə aparılıb.
APA-nın İRNA-ya istinadən məlumatına görə, görüşdə M.Ələvian İranın Ermənistanın paytaxtı İrəvan şəhərində yerləşən Göy məscidin adının UNESCO-nun mədəni irs siyahısına daxil edilməsini alqışladığını deyib. O bildirib ki, Göy məsciddə təmir işlərinin aparılması ilə bağlı Azərbaycanın narahatlığına əsas yoxdur, təmir İrandan gedən mütəxəssislər tərəfindən aparılır.