Bakı-APA. Böyük Britaniya Əfqanıstana əlavə 50 hərbçi göndərərək, hərbi kontingentinin sayını 500-ə çatdıracaq.
APA-nın “The Guardian” qəzetinə istinadən verdiyi xəbərə görə, bunu Böyük Britaniyanın baş naziri Devid Kemeron bəyan edib.
Varşavada NATO sammitində iştirak edən baş nazir bundan sonra da Əfqanıstan hökuməti ilə əməkdaşlığın davam etdirilməsinin vacibliyini vurğulayıb.
“Avropa İttifaqının tərkibindən çıxmaq qərarına baxmayaraq, Böyük Britaniya dünyadakı aparıcı rolunu davam etdirəcək”, deyə D. Kemeron vurğulayıb.
Qeyd edək ki, son aylar “Taliban” hərəkatının artan hücumları ilə əlaqədar Əfqanıstanda vəziyyət kəskin pisləşib. Həmçinin, ölkədə İŞİD-in təsirinin artması müşahidə olunur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
