Bakı. Şəhriyar Əlizadə -APA. Bu gün Bakı Ağır Cinayətlər Məhkəməsində Azərbaycan Ordusunun gizirinə qarşı quldurluq etməkdə təqsirləndirilən Amil Hüseynov və Ələsgər Nağıyevin cinayət işi üzrə məhkəmə prosesi başa çatıb.
APA-nın məlumatına görə, hakim Mayıl Bayramovun sədrliyi ilə keçirilən prosesdə hökm oxunub. Məhkəmənin hökmü ilə Amil Hüseynov 8 il 6 ay , Ələsgər Nağıyev 8 il 6 ay müddətinə azadlıqdan məhrum edilib.
Qeyd edək ki, hər iki şəxs Cinayət Məcəlləsinin 181-ci (quldurluq) maddəsi ilə ittiham olunub. Onlar Azərbaycan Ordusunun giziri Elçin Pənahova qarşı quldurluq ediblər.