Bakı-APA. Karib dənizində yerləşən Dominika dövlətində “Erika” fırtınası 35 nəfərin həyatına son qoyub.
APA-nın “Prensa Latina” agentliyinə istinadən verdiyi məlumata görə, xilasedicilər torpaq sürüşməsi baş vermiş Petit-Savanna yaşayış məntəqəsində 27 nəfərin cəsədini aşkar ediblər.
Məlumata əsasən, təbii fəlakət nəticəsində adanın 80% ərazisi elektrik enerji və içməli susuz qalıb, ölkənin hava limanı daşqın səbəbindən bağlanıb. Adanın bir sıra yaşayış məntəqələri və yolları su altında qalıb. Dominikanın cənub-şərqində yerləşən Pti-Savanna kəndi isə təbii fəlakət nəticəsində ətraf aləmdən tamamilə təcrid olub.
Qeyd edək ki, avqustun 28-də ABŞ-ın Florida ştatının qubernatoru Rik Skott “Erika” fırtınasının yaxınlaşması ilə əlaqədar ştatda fövqəladə vəziyyət rejimi tətbiq edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
