Bakı – APA. Türkdilli ölkələrin Parlament Assambleyasının Azərbaycan, Qazaxıstan və Qırğızıstan parlamentarlarından ibarət müşahidə missiyası 7 iyun 2015-ci il tarixində Türkiyədə keçiriləcək parlament seçkilərini müşahidə edəcək. TürkPA-dan APA-ya verilən xəbərə görə, Milli Məclisin üzvü Nizami Cəfərovun rəhbərlik etdiyi müşahidə missiyasının Yüksək Seçki Şurasının sədri Sadi Güven, Konstitusiya Məhkəməsinin sədri Zühtü Arslan, Türkiyə xarici işlər nazirinin müavini Naci Koru ilə görüşləri nəzərdə tutulub.
Seçki günü TürkPA müşahidəçiləri seçki prosesini və mühitini müşahidə etmək məqsədilə Ankarada bir sıra səsvermə məntəqələrini ziyarət edəcək.
İyunun 8-də missiya parlament seçkilərinin qiymətləndirilməsinə dair mətbuat konfransı keçiriləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
