Göygöldə 18 yaşlı gənc oğlanı bıçaqlamaqda şübhəli bilinən şəxs tutulub.
APA-nın yerli bürosunun xəbərinə görə, bu barədə DİN-Mətbuat Xidmətinin Gəncə regional qrupunun baş inspektoru Eşqin Qasımov məlumat verib.
Onun sözlərinə görə, Göygöl rayon polis şöbəsinin əməkdaşlarının keçirdikləri əməliyyat axtarışları nəticəsində cinayəti törətməkdə şübhəli bilinən 2007-ci il təvəllüdlü Nihat Musayev istintaqa təhvil verilib.
***
21:44
Göygöl rayonunda bıçaqlanma hadisəsi baş verib.
APA-nın yerli bürosunun məlumatına görə, hadisə rayonun Zurnabad kəndində qeydə alınıb.
2006-cı il təvəllüdlü Nihat Mirzəyev bir neçə bıçaq xəsarəti ilə xəstəxanaya yerləşdirilib.
Yaralı dərhal əməliyyat edilib, onun vəziyyətinin ağır olduğu bildirilir.
Hadisənin baş vermə səbəbləri araşdırılır.