Naxçıvan Muxtar Respublikasının Fövqəladə Hallar Nazirliyinin (FHN) "112" qaynar telefon xəttinə Naxçıvan Muxtar Respublikasının Naxçıvan şəhəri, Ə.Əliyev küçəsində yol-nəqliyyat hadisəsinin baş verməsi və xilasedici köməyinə ehtiyac olması barədə məlumat daxil olub.
APA xəbər verir ki, bu barədə FHN-dən bildirilib. Məlumatla əlaqədar FHN-nin Dövlət Yanğın Təhlükəsizliyi İdarəsinin müvafiq xilasetmə qüvvələri çağırış üzrə cəlb olunublar.
Əməliyyat şəraiti qiymətləndirilərkən müəyyən olunub ki, “AzSamand” markalı yük avtomobili və “ВАЗ” markalı minik avtomobilinin toqquşması nəticəsində 3 nəfər köməksiz vəziyyətdə qalıb.
Həyata keçirilən xilasetmə tədbirləri nəticəsində vətəndaşların avtomobildən çıxarılaraq aidiyyəti üzrə təhvil verilməsi təmin edilib.
***
8 yanvar, 21.12
Naxçıvan şəhərində yol-nəqliyyat hadisəsi baş verib.
APA-nın Naxçıvan bürosu xəbər verir ki, hadisə şəhərin Əziz Əliyev prospektində qeydə alınıb.
"VAZ 2108" markalı avtomobillə "AzSamand" toqquşub.
Qəza nəticəsində Şahbuz rayon Badamlı kənd sakini, 1993-cü il təvəllüdlü Abbasov Asim Elxan oğlu xəsarət alıb.
O, Naxçıvan Mərkəzi Xəstəxanasının travmatalogiya şöbəsinə yerləşdirilib.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
