Şəmkir rayonunun Çinarlı qəsəbəsində ümumi sahəsi 200 m² (hər mərtəbəsi 100 m²) olan ikimərtəbəli 6 otaqlı evdə yanğınla nəticələnən partlayış hadisəsi baş verib.
APA xəbər verir ki, bu barədə FHN məlumat yayıb.
Məlumata görə, yanğın nəticəsində evin yanar konstruskiyaları 145 m² sahədə, dam örtüyünün taxta atmaları 40 m² sahədə və bitişik sahəsi 40 m² olan talvarın taxta atmaları 20 m² sahədə yanıb. Yüksək temperaturdan yaxınlıqda ümumi sahəsi 270 m² olan talvarın lambirdən ibarət tavanı 170 m² sahədə əriyib. Yanğın zamanı 1 nəfər yanıq xəsarəti alıb. Evin və talvarın qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
***
08.06
Şəmkirdə eyni qəsəbədə iki evdə baş verən yanğının təfərrüatları məlum olub.
APA-nın yerli bürosunun əldə etdiyi məlumata görə, bitişik evlərdəki yanğına qaz sızması səbəb olub. Bu zaman partlayış olan evə bitişik qonşu evdə yanğın başlayıb.
Partlayış zamanı 1946-ci il təvəllüldlü Şücayət Novruzova müxtəlif bədən xəsarətləri alıb. Qadın xəstəxanaya yerləşdirilib, vəziyyətinin ağır olduğu bildirilir.
Yanğınsöndürənlər alovu söndürüb. Fakt araşdırılır.
***
05.33
Şəmkirdə eyni ərazidə iki ev yanır.
APA-nın yerli bürosunun məlumatına görə, hər 2 hadisə rayonun Çinarlı qəsəbəsində qeydə alınıb.
Sözügedən qəsəbədə iki ayrı şəxsə məxsus evlərdə anidən yanğın başlayıb. Dərhal hadisə yerlərinə FHN-in Dövlət Yanğından Mühafizə Xidmətinin Şəmkir rayon Dövlət Yanğından mühafizə hissəsinin yanğınsöndürən avtomobilləri və canlı qüvvəsi cəlb olunub. Yanğınların söndürülməsi istiqamətində iş gedir.
Bizi Telegram-da izləyin
t.me/apa_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
